Medo

Hai cousas que unha non pode facer soa: discutir, sorrir, subirse e soster unha escada á vez... Toda a miña vida pensei que o ideal é vivir en parella, por moi estraña que fora a parella. De feito hai parellas que se van quedando sen parella porque non se pode evitar o medo a non estar á altura; hai parellas que son imposibles por definición, historia e por física, aínda que non por química; ou parellas nas que a química se gastou, parellas que nalgún momento foron e xa non son nada. E iso é o que máis medo dá na vida, cando a parella se rompe, sexa como for, a primeira sensación que se ten é de pánico.